HUSI AMI CONCELHO REVOLUSAUN NIA DEMANDA
BA GOVERNO MAK TUIR MAI NE’E :
PREAMBULO
KONTRADIKSAUN NE’E
MOSU IHA RESISTENSIA ARMADA NIA LARAN,IHA TINAN HIRAK LIU BA, DEPOIS ITA
RESTAURA ITA NIA INDEPENDENSIA KONSEKUENSIA NEGATIVU MAK LA SES HUSI UKUN AN SIRA
NIA LALA’OK, HAHALOK,HANOIN,NO PARTE TEORITIKA SEMPRE HAMOSU KONFLITUS
HORIZONTAIS NO VERTIKAL.
KONTRADISAUN NEBE
AGORA ITA TEMI DAUDAUK MOSU IHA TINAN 1983, MOMENTU DEFISIL RESISTENSIA NEBE KONTRADISAUN,
MOSU TAMBA EIS CAMARADA, EIS COMPHANEIRU, KAYRALA XANANA GUSMAO NIA HAHALOK
NEBE INFRINSI KA VIOLA PRINSIPIU DIRASAUN KOLEKTIVA HODI NIA POSISISAUN DE
AUTORITARIU, I ABUZU DE PODER. HODI PARTIKULARIDADE IDA NE’E, XANANA ATUA SEMPRE FORA DA NORMALIDADE BASICA
DERICTIVA I KOLEKTIVA DURANTE IHA PERIODO RESISTENSIA NIA LARAN ATÉ AGORA.
KAUSA HUSI
KONTRADIKSAUN IDA NE’E MOSU KRIZE POLITICA MILITAR. KRIZE NE’E MAK FORSA CAMARADA COMANDANTE BRIGADA
VERMELHA MAUK MORUK NEBE MOS HO KNAR
SELUK : MEMBRO COMITE CENTRAL DA FRETILIN SEGUNDU GERASAUN, NO MOS MEMBRU
KOMITE PERMANENTE DA FRETILIN, SUB CHEFFE ESTADO MAIOR DAS FALENTIL I SECRETRIO
ESTADO DO DEFEZA NO SIGURANCA.
LORI
KONTRADISAUN NE’E COMO ASPEKTU NEGATIVU BA ITA NIA RESISTENSIA ARMADA,
ENTERTANTU NIA DESIDE TUN HAMUTUK HO NIA POVU IHA VILLA NEBE KONTROLADU HUSI
INVASORES INDONEZIA.
RESTU ITA SEI
HATUTAN IHA SORUMUTU/DEBATE IDA NEE NIA LARAN.
HODI NUNE, LIU
HUSI CARTA MANDADU AMI HUSU BA UKUN NA’IN SIRA HODI HARE KATAK :
1.
POLITIKA INTERNA, POVU MAUBERE IHA PLANO
DIREITO ATU UKUN RASIK AN I LA IHA INTERFERENSIA
HUSI EMA SELUK NO NASAUN SELUK.
2.
POVU MAUBERE RASIK MAK IHA DIREITO
JURIDIKU NO PRIMADU ATU UKUN RASIK NIA AN NO MOS KAER RASIK NIA KUDA TALIN.
3.
TUIR VASTO PROGRAMA FRETILIN NIAN, POS
FUNU, ATU HALO SAIDA LOS ?
IHA INFRASTRUTURA NIA PLANEAMENTU NO
DEZENVOLVIMENTO NIA LARAN, UKUN NAIN SIRA POR OBRIGASAUN MORAL TENQUE HARI’I KA
HAKIAK INFRASTRUTURAS NEBE BELE HALO BUAT DIAK BA POVU NIA MORIS TUIR ERA
MODERNA NO NAI MAROMAK NIA HAKARAK.
4.
POVU PRESIJA UMA HO KONDISAUN DIAK ATU
BELE FASILITA FAMILIA IDAK - IDAK NIA MORIS HO NIVEL MORIS TUIR SEVILIZASAUN
MODERNA NEBE ITA HOTU MORIS HODI LAO HANESAN EMA HO ITA NIA IDENTIDADE NO
DIGNIDADE IHA ITA NIA NASAUN IDA NE’E NIA LARAN.
5.
POVU PRESIJA KONDISOENS DE VIDA HO
FASILIDADES BAR-BARAK, HANESAN BE’E MOS HODI TEIN NO FASE, NUNE’E MOS BA HAMOS
UMA LARAN KA SANITARIA NEBE ATU HALO POVU NIA MORIS HO ISIN DIAK ATU NUNE’E
BELE HODI VIDA NARUK MORIS IHA MUNDU NE’E.
6.
POVU PRESIJA EDUKA NIA AN HUSI ESKOLA NEBE
TENKE LOKE IHA SUCO NO ALDEIA NIA LARAN.
7.
POVU PRESIJA POSTU SANITARIO HODI AIMORUK
DIAK HODI TRATA SIRA NIA SAUDE HODI PREVENE MORAS SIRA ATU LABELE HABELAR MORAS
AT SIRA BA HODI KONTAJIA BA ITA NIA POVU NIA SAUDE NO NIA ISIN.
8.
POVU PRESIJA ESTRADA DIAK BA ALDEIA HO
KARETA SIRA HODI KONDISAUN DIAK ATU BELE TRANSPORTA KA LORI POVU NIA SASAN HUSI
FATIN IDA BA FATIN IDA HO GARANTIA.
9.
ESKOLAS IHA ALDEIA NUNE’E MOS TRANSPORTES
PUBLIKO ATU FASILITA ESTUDANTE SIRA, HUSI ESKOLA BA UMA NUNE’E MOS HUSI UMA BA
ESKOLA OU VICE VERSA, GRATUITAMENTE.
10.
POVU TENKE IHA HAHAN NO HEMU IHA ALDEIA NO
IHA FATIN NEBE SIRA MORIS MAI.
11.
POVU TENKE IHA ROUPA PARA HATAIS, FATIN
HODI TOBA TENKE MOS, FATIN HAHAN NIAN TENKE MOS, FATIN BA SOE FOER NIAN TENKE
MOS, FATIN BA HARIS KA FASE TENKE MOS.
12.
POVU NO NIA OAN TENKE MORIS HODI VIDA KONDIGNA
HO FASILITAS OI-OIN NEBE BELE FO KONTENTAMENTO NO ALEGRIA IHA SIRA IDA-IDAK NIA
MORIS IHA SIRA NIA UMA KAIN LARAN.
13.
POVU MAUBERE HANESAN ASUWAIN FALINTIL,
LIMAN KROAT POVU MAUBERE NIAN, VETERANOS FUNU NAIN SIRA, JUVENTUDE MAUBERE, FRENTISTAS
HOTU-HOTU NEBE SAKRIFIKA SIRA NIA AN BA RAI DOBEN TIMOR LOROSA’E NIA
INDEPENDESIA, SIRA MERESE ITA HOTU NIA RESPEITO NO KONSIDERASAUN I SIRA IHA
SIRA NIA FUNDAMENTAL DIREITO ATU SIMU PENSAUN VITALISIA BAINHIRA SIRA HUSIK
FUNU I FILA MAI SIRA NIA KNUA, NO MORIS IHA SOSIEDADE NIA LARAN. NUNE’E PENSAUN
VITALISIA NEBE HORAS NE’E DADAUK UKUN NAIN SIRA FAHE SALA BA MAUN ALIN SIRA,
INAN NO FETON SIRA, KAMARADAS NO KOMPAHNEROS SIRA, I ESKLUJIVAMENTE FAVOREJIDO
BA UKUN NAIN TITULARES SIRA NE’E LA KORESPONDE MORALIDADE SIRA NIAN, MAIBE SIRA
KOMETE PRATIKAS DE IMORALIDADE NO FRAUDULENTO KONTRA ASUWAIN FALINTIL NO
VETERANOS FUNU NAIN SIRA NIA SAKRIFISIO NEBE TRADUS SUSAR NO TERUS OI-OIN IHA
FUNU NARUK, NEBE HODI RAN NAKFAKAR, ISIN, RUIN NO KULIT NEBE MATE, MONU NO SOE
NAMKARI LEMO-LEMO IHA RAI DOBEN TIMOR LOROSA’E NIA LARAN TOMAK TO’O OHIN LORON
NE’E.
14.
POVU MAUBERE, FRETILIN, FALINTIL ASUWAIN,
VETERANOS FUNU NAIN SIRA IHA PLENO DIREITO HODI HETAN OSAN SUBSIDIO BA NIA OAN
SIRA HOTU-HOTU NEBE HAKARAK ESKOLA ATU SAI MATENEK BA HAMRIK FALI IHA NIA INAN
NO AMAN SIRA NIA FATIN HODI SERVI NAFATIN ITA NIA NASAUN NO POVU HO SIRA NIA
ESPIRITO PATRIOTISMO NO NASIONALISMO AS.
15.
INFELISMENTE OHIN LORON NASIONALISTAS NO
PATRIOTAS, FUNU NAIN OAN SIRA LA MERESE LIU OSAN SUBSIDIO BA SIRA NIA ESKOLA
NIAN, MAIBE EMA SIRA ULUK LAKOHI UKUN RASIK AN, MAK OHIN LORON SAI FALI HANESAN
HEROI NO MOS IHA FALI OSAN SUBSIDIO HODI RIHUN BA RIHUN NEBE BELE GASTA ARBIRU
I LAIHA NIA REJULTADO IDA. NUNE’E MAK OAN KIAK NO FALUK SIRA, KA ASUWAIN
FALINTIL NO VETERANOS OAN SIRA MORIS NAFATIN IHA SUSAR NO TERUS OI-OIN NIA
LARAN TO’O HORAS NE’E DAU-DAUN.
16.
NASAUN TIMOR LOROSA’E PERTENSE POVU
MAUBERE, NUNE’E RAI POVU MAUBERE NIA NE’E PERTENSE ESKLUSIVAMENTE POVU MAUBERE
I LAOS EMA FUIK NO LET, KA EMA RAI SELUK NO NASAUN SELUK, NEBE HORAS NE’E
DADAUK SIRA HODI FORMAS ILEGAIS TAMA RAI TIMOR LOROSA’E NIA LARAN HODI
EXAPROPRIA POVU MAUBERE NIA RAIN IHA NIA MORIS FATIN. LAOS KONA BA RAI DEIT,
MAIBE ATE RIKU SOIN HUSI TASI NO RAI OKOS, HANESAN OSAN MEAN OSAN MUTIN NO MINA
RAI NO GAS, MOS SIRA MAK NAOK HOTU HODI HARIKU AN NO HABOKUR AN, I HUSIK POVU
KI’IK NO KIAK MAUBERE HODI MORIS HO RUIN NO KULIT DEIT IHA NIA DESTINU INSERTU
TO’O MATE.
17.
NUNE’E ASET SIRA NEBE ULUK IHA TEMPO
KOLONIALISMO NO IKUS MAI IHA TEMPO OKUPASAUN INDONESIA NIA NE’E LAOS PERTENSE
KOLONIALISTAS NO INVAJORES NIA ATAN SIRA NEBEKE HORAS NE’E HATENU DAUDAUK IHA
UKUN AMP II KA GBK NIA IHA TEMPO IDA NE’E NIA LARAN. MAIBE ASET HIRAK NE’E
PATRIMONIO POVU MAUBERE NIAN IHA TIMOR LOROSA’E NIA LARAN TOMAK.
18.
FALINTIL TENGKI HATUR IHA NIA FATIN HODI
CONTINUA SAI HANESA FORSA ATIVA, HODI CONTINUA NAFATIN SERVI POVU NO SAI
HANESA DEFEZA BA RAI DOBEN TIMOR LAORO SAE.
19.
POLICIA NACIONAL TIMOR LESTE/PNTL TENGKI
HALA’O LOLOS NIA FUNCIANIMENTO NO KAER NIA PRINSIPIU NO DUTRINA HANESA POLICIA
IDA QUE PROFESIONAL NO PROPORSIONAL IHA NIA ATUASAUN, LABELE SAI HANESA POLICIA
BAYARAN,OU POLICIA NEBE IMPLEMENTA ORDEM NEBE LA TUIR LEI NO ORDEM.
20.
REFORMA EIS-POLICIA INDONEZIA, ATU NUNE
POLICIA/PNTL BELE SERVICU NO SERVI POVU RAI DOBEN TIMOR LESTE NEE HO SIRA NIA
DIGNIDADE NO SEMPRE SALVA MOS, POVU NIA DIREITU IHA VIDA DEMOKRASIA.
21.
POLICIA NASIONAL TIMOR LESTE LA PERSIJA
UNIDADE OIN-OIN NO BATLIAUN OIN-OIN ATU HALA’O NIA KNAR NO DEVER, MAIBE OHIN
LORON NEE, GOVERNANTE SIRA MONTA I ESTABELESE UNIDADE OIN-OIN,GRUPU OIN-OIN, NO
FUNSAUN OIN-OIN, SE OLAH-OLAH HAMOSU DUA LISMU FORSA ARMADA, IDA NEBE MAK
POLICIA ITA LAHATENE, NOMOS IDA NEBE MAK F-FDTL ITA LAHATENE.
22.
APROVASAUN NO IMPLEMENTASAUN ORSAMENTU
GERAL DO ESTADO/OJE NEBE TINAN-TINAN APROVA IHA PARLAMENTO NASIONAL,HO MONTANTE
BILLAUN BA BILLAUN, NEBE POVU MAUBERE, TERUS NAIN SIRA, FALINTIL ASUWAIN,
FRENTI KLANDESTINA,FETO FALUK,OAN KIAK, MATE RESTU SIRA NEBE ULUK DEFEDENDE NIA
POVU NO NIA RAI HUSI KOLONIALISTAS NO INVASORES SIRA, NEBE OHIN LORON IHA NO
ASISTE UKUN AN IDA NE, NUNGKA SENTI RIKU SOI NO NUNGKA GOZA RIKU TASI, MINA,NO GAS HIRAK NEE.
23.
AMI HUSU BA PARTIDU POLITICU NO UKUN NAIN NEBE
OHIN LORON NEE” ATU ASLERA LALAIS PROSESU AMANDEMENTU KONSTITUSAUN SIRA NEBE LA
FO VALOR AS BA POVU MAUBERE, KAIXA KLANDESTINA NO ASWAIN FALINTIL SIRA HOTU NEBE
SOFRE ONA IHA TINAN 24 NIA LARAN NO OHIN LORON SIRA MAK TERUS NO KIAK NAFATIN
NEE’.
24.
HUSU BA CHEFE GOVERNU ATU AS LERA LALAIS
RESHAUFLE/REMODELASAUN/REFORMASAUN KA REVOLUSAUN BA ESTRUTURA GOVERNU NEBE OHIN
LORON ITA HATENE KATAK OTONOMISTA/INTEGRASIONISSTA
SIRA/RESTU KOLONIALISTAS SIRA, NEBE ULUK LA KOI LUTA BA UKUN AN, AGORA DADAUK
NEE SIRA MAK TUR IHA ESTRUTURA GOVERNU NIA LARAN, NO AMI LA TOLERA KATAK OTONOMISTA
SIRA/RESTU KOLONIALISTAS SIRA NEBE AGORA DADUN TUR HAMUTUK HO SR. KAYRALA
XANANA GUSMAO NIA UKUN.
25.
CONSHELO REVOLUSAUN MAUBERE HUSU BA MAIJOR GENERAL LERE ANAN TIMUR ATU
TOMA DESIJAUN BA KUALKER SITUASAUN
RAI LARAN, ATU DUDU PROSESU REVOLUSAUN NE BA OIN.
26.
CONSHELO REVOLUSAUN MAUBERE HUSU BA PREZIDENTI DA REPUBLICA TIMOR LESTE
ATU UJA NIA KOMPETENCIA NO DIREITO PRIOGRATIVU KONSTITUSIONAL ATU :
a.
DESOLVE PARLAMENTO NASIONAL IHA TEMPO
BADAK NIA LARAN
b.
HALA’O PREPARASAUN BA ELEISAUN ANTISIPADA
IHA TEMPO NEBE DE TERMINA TUIR KONSTITUSAUN DA RDTL
BA ITA BOT SIRA NIA ATENSAUN CONSHELO REVOLUSAUN MAUBERE HATO’O OBRIGADU WAIN.
VIVA POVU MAUBERE !
VIVA FRETILIN!
VIVA GLORIOSA FALINTIL!
VIVA JUVENTUDE MAUBERE NO
LORIKU ASUWAIN!
VIVA BA NASIONALISTAS NO
PATRIOTAS TIMOR OAN HOTU2 NEBE KE HADOMI NIA POVO NO NIA RAI DOBEN TIMOR
LOROSAE HUSI PRINSIPIO NEBE KE FRETILIN DEFENDE IHA RESISTENSIA ARMADA NASIONAL
TO’O OIN LORON NE’E...
PS.
Ami husu ba Senhor Xanana atu hodi bele contempla no cumpra a letra ami
Concelho da Revolusaun nia demanda kah ejijensia nebe representa Povo kik no
kiak Maubere nia interese iha processo nebe hala’o dadauk ne’e nia laran, mak
ami afoin atende dialogo no debate publico ho ami nia ex-companheiro no
ex-camarada senhor Xanana, caso contrario ami mantem ami nia posisaun hodi
moral as no conviksaun politika nebe tuir prinsipios no regras nebe hori uluk
ami komuga no lori ba funu hodi liberta Rai doben ida ne’e i hein atu buka hodi
liberta tan Povo kik no kiak Maubere iha momento crucial ida ne’e...
A LUTA KONTINUA !
CONCELHO
REVOLUSAUN POVU MAUBERE IHA RAI DOBEN TIMOR LORO SAE NIA LARAN
BAZE IHA :
FATU HADA /COMORO/DILI/ TIMOR LESTE
