RESISTANCE MEMBERS WERE DISGUISSED BY OPORTUNISTICS PNLT MEMBERS IN MAUBERE PEOPLE HOMELAND ACCORDING TO THE CJITL SOURCES.

L7 Fiar Katak Pedro Belo Sei Sai Husi Instituisaun PNTL
(Written by Domingos da Silva)

Tuesday, 27 July 2010

Pedro Belo, foto CJITLCJITL flash, Atual Prezidenti Partidu Unidade Nasional Resistensia Timor (UNDERTIM), Cornelio Gama alias L7 fiar katak veteranus sei hasai Komandante Polisia Nasional Timor Leste (PNTL) Distritu Dili husi nia kargu relasiona ho nia steitmentu liu husi media nasional “Suara Timor Lorosa’e (STL)” ne’ebe konsidera halo defamasaun ba veteranus iha rai ida ne’e.

Eis gurelieiru husi zona Ponta Leste ne’e katak veteranus la’os halo problema ho media STL maibe ho Pedro Belo tanba ne’e husu ona ba Primeiru Ministru Jose Alexandre Xanana Gusmão atu hasai nia husi instituisaun PNTL nian.

“Ami husu Xanana Gusmaõ atu hasai Pedro Belo husi Polisia tanba Xanana mak hanesan Ministru Defeza no Siguransa” dehan L-7, Segunda, (26/07), iha nia hela fatin Fatuhada-Dili.

No nia fiar katak veteranus tomak iha nasaun foun ida ne’e sei kondena Pedro Belo nia hahalok ne’ebe lakoi atu veteranus sura nia kolen.

Tuir L-7 katak Pedro Belo la’os foin mak hatudu maibe hahalok hanesan ne’e mos hatudu iha wainhira sei sai Komandante Eskuarda iha Distritu Baucau.

“Pedro nia atetude ne’e at duni mak hakarak halo ami moe fali, Pedro mak hanesan provoka fali veteranus tanba ne’e veteranus sira simu no hein Primeiru Ministru Xanana Gusmaõ atu hasai nia husi Polisia”, dehan deputadu ne’e.

Nia mos dehan veteranus sei halo asaun hasoru Xanana Gusmão wainhira nia la konkorda hodi hasai Pedro husi instituisaun PNTL.

“Veteranus nia ejijensia mak tenki hasai Pedro” L-7 kestiona.

Antes ne’e komandante polisia distrital, Pedro Belo liu husi Televizão Timor Leste (TVTL) rekuza katak nia halo defemasaun ba pesoal L7 no veteranus sira jeralmente.

Tanba tuir nia katak nunka kolai liafuan la’os ona tempu veteranus sira atu sura sira nia kolen ne’ebe publika iha STL semana hirak liu ba.

Relasiona ho reasaun husi veteranus sira konaba publikasaun ne’e media STL rasik halo ona koresaun ka husu deskulpa ba erru ne’ebe sira komete. (Domingos da Silva/CJITL)

Last Updated ( Monday, 26 July 2010 )