Quinta-feira, 6 de Outubro de 2011
“PR Horta: CPD-RDTL Laos Amo Papa”
.
Jornal Nacional Diario - Kinta, 06 Outubru
2011
Presidente da Republika Jose Ramos Horta konsidera
grupo CPD-RDTL ne’ebe halo manifestasaun laos Amo Papa ne’ebe halaken Biblia ba
sarani sira iha mundo tomak.
“Bah au iha mundo ne’e ema ida ke nunka failha
ne’e mak “Amo Papa”, ne’e la’os CPD-RDTL maka hanesan fali amo Papa iha mundo
fali, dala ruma CPD-RDTL sira hanesan Amo Papa fali, sira mak hatene los deit,
sira mak kaer Biblia, ita hotu-hotu salah,” deklara Xefi Estado, kinta (5/10),
iha Palacio Prezidensial, Aitarak Laran, Dili, relasiona ho manifestasaun ne’ebe
CPD-RDTL sira halo hodi kontra demonstrasaun.
Tuir PR Horta, CPD-RDTL presiza apoiu desizaun
ne’ebe orgaun soberanu Timor Leste nian, ne’ebe hasai hodi dezmobiliza Falintil
sira tuir lei ne’ebe iha, laos ba kontra fali.
Nia dehan, dezmobilizasaun ne’ebe estado halo
ba Falintil sira, iha mundo tomak mos halo nune’e.
PR Horta afirma, desizaun hodi desmobiliza
Falintil sira, laos nia idea, maibe mai husi orgaun soberania mai ida ne’e nia,”
Politka dezmobilizasaun ne’e la’os hau nia, maibe mai husi Maun boot xanana,
Governu, Parlamento Nacional, Maun Bot Taur Matan Ruak nudar komando F-FDTL
nian, derepente CPD-RDTL deit mak hatene no matenek bot, ita hotu-hotu sala,
entaun sira (CPD-RDTL) mak patriota karik,” salienta PR Horta.
Maske CPD-RDTL halo manifestasaun, maibe nia
dehan, sei la mosu violensia, tanba elementu sira nia mesak displina,” asaun
pasifika ne’e diak, hau konfiansa CPD-RDTL tinan 10 nia laran, sira protesta
buat barak ke la konkorda Bilhete Identidade, maibe ne’e sira nia direitu e sira
nunka halo Violensia,” dehan nia.
.
1 comentários:
Horta dean katak desmobilizasaun nebe Estado, konseitu Horta nia hanesan politiku maufeuk nia dean katak, Estadu ne refere ema grupelho ida nebe ke komanda Povo no Nasaun ida mak naran Estadu...Iha parte ida ne'e ita Povo Maubere kik no kiak bele hasai konklusaun katak Horta lahatene politika ida mak koalia naran naran no arbiru deit i kanta hanesan manurade kah komadre oh ibu be'ek sira iha ita nia sociedade nia laran iha nebe nebe deit ker iha Timor Lorosae kah tantu komo iha mundo tomak...
Konseitu Estadu nebe ke Horta komprende ne, husi teoria no filosofia kapitalista degradante nebe husi ema grupelo ida mak auto-proklama sira nia a'an hanesan Estadu kah falsu maromak kah imperdor sira atu impera rai kah povo sira hodi domina no ikus mai be hanean no halo atan ba beibeik hodi ema Povo sai fali sira nia kuda reino kah atan ba beibeik tuir sira nia vontade no sira nia hakarak.
Maibe ba ita Povo kik no kiak Maubere komprende konseitu Estadu ne'e mak me'e...Estadu ne Povo i Povo mak Estadu, nune Povo mak manda i determina ne ba ita socialistas sira, maibe ba sira kolonialistas no facistas sira atan oan sira ne'e ita komprende katak sira interpreta konseitu Estadu ne'e ba sira nia ambisaun pessoal no familiar kah ba grupelo sira tanba konesimento ba ita Povo kik no kiak iha rai doben Timor Lorosae ne'e nia laran...Tanba sira agora ne'e dadauk sira hakarak deit mak susu ita bokor no rai bokor hodi formulas oin oin atu halo ita Povo sai sira nia atan ba beibeik to'o sira sai riku matmatak oh ita PovoTimor Lorosae tomak nia riku soi, minarai no gas nia folin ba sira nia fen no oan sira no grupelho sira nia interesse no hakarak i nada mais...
Horta até ke afinal desmaskara duni ninia mauluk kah ninia komplotan sira nia hakarak no halimar hodi lohi no bosok ita Povo kik no kiak tuir sira nia jogo foer mafiosos sira nia iha ita nia let no iha ita nia rai doben Timor Lorosae nia laran tomak to'o oin loron ne'e...
Ita Povo kik no kiak hatene hotu ona katak tuir lia fuan Horta nia katak sira nia grupelo mak forma halo Estadu ne'e, husi Xanana,membros governo AMP sira nia, Parlamento Nasional membros sira nebe ke fo'o apoio makas ba AMP ninia politika befoer nia no Taur Matan Ruak nia... Sira ne han no hemu hamutuk maibe iha kotuk tetak malu fuik lós hanesan asu fuik sira lolos duni...
Ba Povo kik no kiak Maubere iha ene'e imi hotu hatene ona hodi matan momos katak ema sira nebe ke ita teme sira nia naran lolos deit sira ne'e.
Tanba buat a'at barak mak mosu mai iha ita nia sociedade nia klaran, mak ita tenke buka hodi reafirma ita nia posisaun politika oh espíritu nasionalista no patriota nafatin to'o.
Tanba nain ulun sira ne mesak lohi ten no bosok ten tantanan deit, mak ita Povo kik no kiak hader ona atu kaer rasik ita nia kuda tali duni i la bele fo'o tan fatin ba asu berekuda sira ne'e hodi ukun ita oh imoral no moen moen deit halo ita Povo kik no kiak mak sai susar no terus nafatin husi tinan ba tinan iha sira nia ukun okos to'o oin loron ne'e...