Asuwain Falintil no Veteranus, Povo Maubere no Bibere kik no kiak no Juventude hamutuk imi nia Mata dalan labele hakruk tan ba politikus bandidos no naukten tantanan sira nebe ke horas ne'e dadauk halo ita Povo kik no kiak sai susar no terus nafatin biarba ita hetan tiha ona ita nia Restaurasaun ba Independensia ita nia Rai doben Timor Lorosae maibe ita sei, sai atan ba beibeik ba ema a'at lubuk ida ninia interesses no nia familia kah nia grupu mafia sira nia hahalok a'at sira ne'e be ke horas ne'e dadaun hanean ita nafatin hodi susu ita bokor no rai bokor to'o husik hela ita hodi kulit no ruhin tantanan deit...

skip to main | skip to sidebar

TIMOR HAU NIAN DOBEN

______________TIMOR MEU AMOR - Timorenses de alma e coração

Quarta-feira, 10 de Agosto de 2011

Desmobilizasaun Falintil “Eis Falintil Ameasa Greve Hasoru Estado”

.

Jornal Nacional Diario - Kuarta, 10 Agusto 2011

Dili-Lakonkorda desmobilizasaun ba Falintil, tamba estado seidauk kria kondisoens ba veteranus sira, ne’e duni eis Falintil sira ameasa halo asaun greve hasoru Estado Timor Leste.

“Ami sei hala’o asaun bo’ot ida ba nasaun ida ne’e, ami kontra maka desmobilizasaun ida ne’e tamba seidauk tempo atu halo desmobilizasaun ba Falintil, to’o agora eis Falintil barak sei moris iha at nia laran,” deklara Falintil, Cornelio da Concecao Gama ‘L-7’ ba Jornal Nacional Diario iha Parlamento Nacional, Tersa (9/8) horsehik.

Nia dehan, de kuando estado mantein hodi halo desmobilizasaun ba Falintil iha loron ne’ebe estado determina ona ne’e, eis Falintil sira sei hamutuk halao asaun hasoru estado.

“Se hanesan ne’e, entaun ami husu Falintil hotu-hotu tun para halo demonstrasaun atu selu sira 24 anus ninia osan, $9 mil halo saida, petisionariu loron ida rua hanesan fo U$9 mil agora ami 24 anos fo U$ 9 mil ne’e ami la konkorda,” hateten deputadu L-7 ne’ebe hanesan mos Prezidente Partidu UNDERTIM.

L-7 haktuir tan,” Balu hakarak mobilizasaun porke nia moris diak tia ona, nia iha ona kareta, uma no buat oi-oin, be agora ami at ne’e, hau deputadu mos seidauk sosa Biskileta ida, hau sei sa’e estado nia kareta,” Sublinha L-7.

L-7 mos hateten, se dezmobilizasaun ne’e realiza duni, nia parte sei la hola parte iha oin,” ho razaun,” hau lakohi desmobilizasaun tamba hau nia hakarak uniku veteranus sira ne’e tenki iha sede nacional, distrito, sub distrito to’o iha aldeia, para ami hanesan fo ajetasaun ba povu tomak hodi labele hamosu konflitu, ami uluk iha ailaran mos ami ajita para ema labele oho malu,” koalia eis Falintil ne’e.

Eis Segundo komodante Falintil Regiaun III ne’e esplika, desmobilizasaun loloos mak uniku veteranus iha responsablidade ida, tenki servisu hamutuk ho governu no Estado para hare nasaun ne’e.

“Se kuandu estado halo ona desmobilizasaun, ne’e signifika katak, Veteranus la tama ona iha Governu, se ami mak dezmobiliza ona enatun sira ne’ebe uluk ansip, tentara sira ne;e halo nusa? Agora kuandu desmobiliza entaun sei bolu ami eis, ami la vale tan, maske ami tau farad ba tur iha ne’eba tau fitun bar-barak,” akresenta L-7.

.