Asuwain Falintil no Veteranus, Povo Maubere no Bibere kik no kiak no Juventude hamutuk nia Mata dalan labele hakruak tan ba politikus bandidos no naukten sira tantanan nebe ke horas ne'e halo ita Povo kik no kiak sai susar no terus nafatin biarba ita hetan tiha ona ita nia Restaurasaun ba Independensia maibe ita sei sai atan ba beibeik ba ema lubuk ida ninia interesses no nia familia kah nia grupu mafia sira nia hahalok a'at sira ne'e...Povo Maubere kik no kiak hamutuk nia liman kroat Asuwain Falintil, Juventude Ran Nakaly, no Bibere oh Matadalan hamutuk hodi tuba rai metin no hodi aten barani hasae nafatin ita nia lia los hasoru ema nauk ten no butar ten sira iha ita nia sociedade nia laran...

Falintil, Povo Maubere kik no kiak nia liman kroat desde ke simu knar husi Matadalan Povo Maubere nia iha tinan 1975 iha loron 17 fulan Agosto. Husi loron ne'e mak ita hahú Falintil nia sagrada missaun i loron 20 fulan Agosto Matadalan Povo Maubere nia declara ba Mundo tomak no ba Povo Timor Lorosae tomak katak loron 20 fulan Agosto ne'e loron espesial ba hodi hakiak ita nia Forsa Popular mak naran Falintil. Falintil ne'e Forsa Povo nia, tanba nia Povo nia oan i husi nia aman no inan Povo Kik no kiak Maubere. Neduni Falintil iha sagrada missaun hodi defende Povo kik no kiak hasoru ema riku nain no butarten sira nune mos hasoru sira kolonialistas no neokolonialistas sira nia atan sira mak sei aktifu hela iha ita nia rai doben TL nia laran tomak desde ke ita hetan no restaura ita nia independensia i kompleta ita nia rai nia libertasaun to'o oin loron ne''e...Nune ita nia Falintil tenke hatudu duni imi nia a'an ba ita nia Povo TL nia laran tomak katak imi serbi duni Povo nia interese i la'os atu defende deit politikus nain nebe konota oh ditador, fasista, korruptu no assassino ba nia povo rasik tanba sira assimilado ona ba kolonialistas no neo-kolonialistas nia modus moris nia iha ita Povo kik no kiak nia let iha ita nia sociedade Timor Lorosae nia laran to'o oin loron ne'e...Ba buat a'at hirak sira ne'e mak ita oin loron hare oh matan momos iha mundo arabe ne ba ne'e...Kuidadu antes ke seja tarde demais...Tanba Povo kik no kiak iha mundo ne'e liliu iha rai doben Timor Lorosae terus no sofre demais liu tiha ona!...

Falintil tenke hakoak imi nia sagrada misaun no komuga nafatin imi nia linha mestra politika nebe ke hatudu no hanorin ba imi katak Falintlil moris mai husi Povo, atu serbi Povo nune mos tenke defende Povo kik no kiak nia interese has liu, lulik liu no bo'ot liu ke ita ida idak nia interese kah ita ida idak nia hakarak...

Falintil komo liman kroat Povo kik no kiak nia, labele monu tuir ba lian bosok no midar hodi tuir nain ulun bosok ten no lohi ten sira nune imi nia moral psikologiku la kuat i halo imi monu lalais ba ema kah nain ulun lubuk ida be iha intensoens a'at hodi ukun Povo ba halo Povo sai sira nia kuda atan nafatin i nune buka hodi explora ita nia Povo nia beik atu buka hanean nafatin ita nia Povo oh sistema kolonisalista, fasista, lohidor, bosokten hodi lian funan funan no midamidar hanesan rairahun no aitan ba hodi taka nafatin ita Povo kik no kiak nia matan ba nune sira bele aproveita nauk ita nia riku soi i halo habokur sira nia familia kah sira nia grupu politikus naukten nia hodi objetivo atu halo ita atan ba beibeik hodi hakruk nafatin ba sira nune bele turut deit sira nia hakarak satanikus sira ne'e...Para hado'ok husi hahalok a'at ema nain ulun a'at sira ne'e, labele hakfodak ba kadeiras, kah galoens ka divisas, kah ba jutaan dolar,ita nia rikusoi nebe ke horas ne'e dadauk husi Minarai no Gas nia folin nebe horas ne'e ita hotu hatene katak sira nauk matamatak hela nebe ita hotu hare oh matan momos maibe sira nega nafatin hodi argumentos oin2, dean katak sira la halo salah ida...Nune dean mai ba ita katak bahinra sira la salah kona ba lia fuan nauk no korupsi ne'e, sira bele nauk nafatin no susu ita bokour no rai bokur konforme sira nia hakarak, tanba sira dean ba ita Povo kik no kiak katak sira mesak mak matenek, nune sira ne'e hanesan lolos maromak no lulik ida nebe ke ita Povo kik no kiak labe besik sira no labele koalia hasoru sira no desmakara sira nia hahalok a'at sira ne'e...

Foin dadauk ne'e iha loron 13 fulan ida ne'e nia laran iha Zumalai- Fronteira kah alias kosteira Sul ema a'at sira komesa insita populasaun lokal hodi ho'o ita nia kamarada veterano nebe serbisu iha PNTL i tugas iha Fronteira neba. Depois de sira ho'o tiha sira sei lansa lian propaganda no provokativa dean katak ..." Ami ho'o ona imi veteranus sira, imi barani entaun halo to'ok saida lerek ba?"... Ba ema a'at sira ninia manobras politikas sira ne'e hodi fanu ita Povo kik no kiak Maubere nia espirito patriotismo no nasionalismo...Halo ita ran nakaly no manas tan ba atu bele fo'o justisa todan no severa ba ema a'at sira ne'e i lalika fo'o tan perdaun ba sira...

Planu ba desmobilizasaun Falintil no Veteranus sira ne'e, hotu2 tuir ema a'at nain ulun kolonialistas no kapitalistas sira nia atan nebe ke horas ne'e hala'o hela iha kortina metan nia kotuk sira nia missau iha ita nia rai laran ba objetivu ba ikus mai sira hamutuk oh sira nia patraun kolonialistas sira hodi hadau ita nia riku soi no mos fa'e ita ba sira nia reino no kuda atan nafatin hodi sudur ba beibeik to'o rabat rai...

Falintil, Veteranus Funu nain sira, hamutuk ita nia Povo kik no kiak Maubere no ita nia Matadalan nebe hadomi tebtebes ita nia Povo kik no kiak no aileba sira hoi neon no laran nune mos oh hamutuk ita nia Juventude no Biberes sira hotu hodi ita tuba rai metin hodi hametin tan ita nia unidade sai makas tan, nune por mais ke ema a'at sira buka hodi lohi tan ita sira labele halo tan buat ida ba ita, tanba sira labele hasoru ita nia forsa unida...Maibe, bahinra ita fa'e malu ema a'at sira sei buka disimina ita nia forsa i sei buka halakun ita nia identidade no dignidade hanesan Kriatura Nain Maromak nia, nune mos hanesan Povo no Nasaun iha Mundo ne'e nia laran...

Viva Povo Maubere kik no kiak iha rai doben Timor Lorosae nia laran tomak!

Viva Asuwain Falintil, Veteranos Funu nain sira Mano aman kokoroek iha Timor Lorosae!

Viva Juventude no Matan dalan hodi lian los no justisa Social ba ita nia Povo Timor Lorosae tomak!

Hakfulak no hakslok hodi saudasoens kombativas no revolusionarias ba inan feton sira, bin no oan sira , lahin no fen sira, maun no aman sira, kamaradas, kompanheiros, ran maluk no manemaluk i irmauns sira tomak iha ita nia rai doben Timor Lorosae mak imi nia Maun, alin, oan , naha, lahin, aman, kompaneiro, kamarada, ran maluk no mane maluk Maubere Tuba Rai Metin mak hadomi no fiar oh neon no laran metin ba imi hotu iha RAMKABIAN nia tutun...

Timor Leste, 17 de Agosto 2011.-