Xanana ho nia Ditadura hakarak halakun ita nia Prinsipios Sagrados da Demokrasia no Liberdade nebe ke ita hodi sosa ho isin no ran mak afoin ita hetan ita nia ukun rasik a'an husi ita nia invasores Indonesios sira...

Sexta-feira, 18 de Janeiro de 2013

“PM Xanana Ameasa Evakua CPD-RDTL”

 

 

Jornal Independente - Sesta - Feira, 18 Janeiru 2013

 

Primeiru Ministru Kay Rala xanana Gusmao aviza ba CPD-RDTL ne’ebe aloka kooperativa iha Welaluhu, Distritu Same atu sai husi fatin ne’eba, tanba se la’e nia mak sei tun diretamente hodi halo atuasaun.

 

Lian Tatoli hodi Teky2  ba “Kebenaran, Kejujuran dan Keadilan bagi seluruh Bangsa dan Negara Timor Lorosae tanpa terkecuali siapa2pun dari kedudukan, jabatan di dlm pemerintahan maupun di dlm Social bermasyarakatnya”husi Povo Maubere nia oan murak sira MTRM iha Ramkabian nia tutun husi Rai doben Timor Lorosae nia laran tomak...

 

Huluk nanain ami nia Saudasoens Kombativas no Revolusionárias ba inan no aman, fen kah lahin no oan sira hotu, bin no feton, maun no alin, kamaradas no kompaneiros, ran maluk no manemaluk iha Rai doben Timor Lorosae nia laran tomak nune mos iha Rai Liur hotu2 mak ami hadomi no respeita hodi neon laran metin ba malu nafatin to’o mate hodi luta ba ita nia Povo kik no kiak nia libertasaun total no kompleta husi dominasaun no explorasaun makas nebe ke ukun nian sira konota ho nia politika facistas, kolonialistas no neokolonialistas nia “kaki no tangan” nia serbisu mak ita Povo kik no kiak iha tinan 13 nia laran depois de restaurasaun ba ita nia Independensia liu ba kotuk to’o oin loron ne’e, ita moris ho, haré ho, rona ho no kaer liman ho, nune mos internasionalmente ita nia UKUN NAIN SIRA NIA HAHALOK A’AT HIRAK NE’E LA ESKAPA HUSI KRITIKAS SEVERAS NO LA IHA POUPANSA BA SIRA NIA POSISAUN POLITIKA KAH SOCIAL BERMASARYAKATNYA...

 

Xanana hodi nia intelijnia kah espiaun kah mata2 loron kalan la’o hale’o CPD-RDTL iha Welaluh neba i hein katak OGE nia aprova ba bele sosa ema a’at no let sira mai oho ita Povo kik no kiak nia oan murak sira nebe ke horas ne’e konsentra dadauk iha Welaluh neba halo koperasaun i ami la pratika krime organizadu noegal hasoru ami nia Estado Soberano RTDL no trai fali ami nia Povo kik no kiak Maubere nia interesse lulik ba rai no nasaun seluk atu mai hodi sobu ita nia independensia, maieami hakarak mak LIA LOS TENKE TEKI2 NAFATIN IHA ITA NIA RAI DOBEN TIMOR ROSAE NI LARAN TOMAK.

 

Xanana la barani halo ameasas ba nia maluk iha CNRT nebe ke hori uluk defende integrasaun no federasaun kah aneksasaun ita nia Rai doben Timor Lorosae ba Nasaun no Estadu sira seluk, i sira ba bolu ema nasaun seluk no let mai oho ita Povo kik no kiak i sira halo ita hotu sai vitima ba sira nia agresaun no violasaun brutal i ilegal hasoru ita nia aspirasaun nebe hakarek ho letras bo’ot iha karta magna nasaoens unidas nia, no nebe ke hateten mai momos ba ita Povo iha Mundo ne'e nia laran tomak, katak ita povos iha mundo ne'e iha direitu inelienavel no inviolavel nebe nasaun no estadu independentes sira ne'e tenke mos respeita no fo'o mos valor i tenke rekonese ita nia direitu atu bele hateten sai ba Mundo kona ba ita nia hakarak atu amrik mesak kah atu ukun rasik a’an, maibe sira ikus ne'e mai hodi goza deit ita nia susar no terus, kah ita nia ran nakfakar no hodi ita nia isin mate mak afoin ita konkista no ita restaura fila fali ita nia independensia, nune mak ita hetan lolos ita nia indepensia total no kompleta ne'e, maibe ita nia Povo kik no kiak Maubere mak sei terus no susar nafatin tanba ukun nain sira so hatene ukun hodi politika atu bosok no lohi, hodi lian fuan rendah2 no midmidar hanesan rairahun no aitan hodi soe mai ba ita nia Povo kik no kiak nia matan laran i nune ukun nain sira bele aproveita ita nia Povo kik no kiak nia matan delek, i sira, ukun nain hirak ne'e buka mak hatene nauk no subar husi sira nia sistema be buka habokur no hariku a'an naran KKN ne'e mak oin loron sira sai hotu2 bokor hanesan fahi makau oan sira nebe hodi hasan no kabun tabele tantanan deit hela ne'e, iha fatin ida, maibe iha fatin seluk ita Povo kik no kiak Maubere mak loron loron hodi matan ben halerik ba ai han sira, no mos ba buat hotu2 nebe ke halo parte ba ita Povo kik no kiak nia moris loron ba loron nia ne’e…

 

Ba buat a’at hirak nebe ke ita teme iha leten dadauk ba ne’e, Xanana la barani atu hatama sira ba kadeia kah halo rahun ba sira nia moris oh tan sesluk tan. Maibe Xanana so barani atu se’e kroat fila fali ba ninia kamaradas no kompaneiros sira nebe ke hori uluk iha Ailaran kah iha Foholeten sira fo’o isin no ran ba hodi defende no subar Xanana no nia maluk sira selseluk nebe ke moris deit ho ita nia Asuwain kombatentes no guerileiros sira nia kosar ben iha susar no terus oin sah ne’e iha tinan2 liu ba kotuk ne’e …

 

Ba Xanana nia maluk mesak kriminosos sira ne’e, to’o oin loron seidauk iha justisa ba sira, maibe pelo kontrariu, sira mai tabele ho Xanana i sira agora sai fali ita Povo kik no kiak nia patraun iha ita nia Rai doben Timor Lorosae nia laran tomak ne’e…

 

Politika befoer hirak ne’e mak ita Povo Maubere labele fo’o ulun tan ba sira. Se ita hakruk beibeik ba sira, sira nia kutun moris liu tan mak ne’e, i nune sira buka halo buat hotu2 la tuir ita nia Povo kik no kiak nebe ke hateten sai iha Konstituisaun no ukun nia laran ne’e. Tanba nune mak sira nia ikun moris i sira hakarak halo buat hotu2 konforme sira nia hakarak no sira nia kaprisius diabolikus nia, i nune mak sira halo deit ho ruburanga i la iha ulun no ain…Mate kah moris ita tenke defende ita nia direitu nebe ke ita hodi ran no isin mak afoin ita hetan ne’e, direitu ida ne’e mak tenke mai duni ba ita nia liman laran i la’os ba ema seluk no let nia liman ba nune sira hodi aproveita mai hodi susu nafatin ita bokur no rai bokor i husik ita hela moris hodi ruhin no kulit tantanan deit i ita nia destinu la’o oin sah sira lakohi hatene tan…

 

Ba sira hodi ukun ita ne’e atu buka mak nauk no hariku no habokur a’an deit ho ita nia riku soi ba sira nia a’an rasik, familia no grupus politikus mafiosos nia interese nebe ke sira instala iha sira nia sistema ukun ita Povo kik no kiak Maubere to’o oin loron ne’e…

 

CPD-RDTL / FRETILIN MOVIMENTU HODI FORSAS ESPESIAIS FALINTIL NIA BRIGADAS VERMELHAS hodi situasaun politika nebe ukun nain sira halo ita sai fali sira nia atan i sira aplika kah hamoris sistema kolonialistas kah neokolonialistas atu buka hariku no habokur deit sira nia a’an rasik i sira buka nauk no lohi i aplika ho matan momos hahalok a’at nebe ke ita Povo tomak iha Mundo ne’e konsidera hanesan praga bo’ot ida nebe halo ita Povo kik no kiak moras ba beibeik i ikus mai ita sai mate mohu hotu i ita nia Historia hodi funu ba liberta ita nia Rai doben Timor Lorosae no ita nia Povo Maubere iha ema a’at no nebe moral laiha liu hirak ne’e, mesak mos eskandalosos no kriminosos tantanan deit nia liman laran nebe lori tinan to’o oin loron hamutuk besik tinan 488 liu ba kotuk ne'e…

 

Povo kik no kiak Maubere tomak, Fretilin tomak, Falintil tomak, Asuwain Veteranus no Funu Nain sira tomak, Faluk, Kik no Kiak tomak, ain tuhar no liman tuhar iha funu naruk no susar nia laran hasoru ita nia inimigu, kolonialistas no neokolonialistas sira nune mos ninia asu nurak sira ninia hahalok, kah ninia krimes kontra ita Povo kik no kiak nia dignidade no identidade hanesan Povo no Nasaun iha Mundo ne’e nia klaran...

 

Mai ita hotu2 hamutuk dean ba ukun nain sira katak ami lakohi ona imi nia kantigas sira ne’e, maibe ami hakarak mak ami nia oan no aman, maun no alin, inan no feton, ran maluk no mane maluk, kompaneros no kamaradas nebe ke hadomi ami tebtebes ho fuan no laran ba ami Povo kik no kiak, aileba no aintanan Maubere iha Timor Lorosae tomak, mak bele i sira duni mak tenke mai ukun no mai hodi kaer netik ho neon no laran ami nia destinu i mai serbe duni ami nia hakarak hanesan Povo no Nasaun RDTL ida ne’e i hatudu ba Mundo katak ami mos bele, i tanba nune mak ami dean katak, ami, Povo kik no kiak Maubere bosan ona ho imi ukun nain sira nia politika be KKN nia nain sira nebe ke halo moen2 deit ukun ami Povo kik no kiak ho imi nia forsas politikas hodi golpes no conspirasoens maibe la’os tuir prinsipios demokratikus i liberdade de pensamentu, ideias e expressoens nebe Mundo civilizadu la’o tuir hodi moral no etika social ba hare didiak no mos perserva didiak prinsipios basilares sira ne’e…

 

Ami Povo Maubere kik no kiak nia oan sira bolu atensaun ba ami nia maluk Lere Anan Timur keta halo statement arbiru deit, tanba dala barak alin doben Lere ho kontente ho ninia liafuan hirak ne’e katak ema klasse seluk hodi doko a’an ho alin Lere nia deklarasoens hirak atu mai hatun ami Povo Maubere, mate restus sira husi Asuwain Falintil, Veteranos Funu Nain, Frentistas sira husi Organizasoens massas populares barak mak oin loron ita hanaran; SAGRADA FAMILIA, FALINTIL ASUWAIN VETERANUS FUNU NAIN SIRA, CPD-RDTL/ FRETILIN MOVIMENTU HAMUTUK HO FALINTIL NIA FORSAS ESPECIAIS, BRIGADA VERMELHA NIA, JUVENTUDE MAUBERE NO JUVENTUDE TIMOR LOROSAE TOMAK NIA, ORGANIZASOENS MASSAS TRABALHADORES TIMOR LOROSAE NIA LARAN TOMAK, ORGANISASOENS FETON NO MANE POVO MAUBERE NIA HUSI OPMT NO OPTT, MATADALAN FRETILIN HO POVO ASUWAIN MAUBERE TUBA RAI METIN NAFATIN HODI HASAE LIAN LOS BASEIA BA LIA JUSTISA, RASAUN NO VERDADE NIA ke nain ulun nebe agora dadauk ukun ne’e labele manipula fali ba ninia interesse rasik, kah ba ninia famili nia interesse kah ba ninia grupus kah partidus politikus mafiosos nia interesse, nebe ke oin loron hodi buka moris diak deit no patarata ho ita nia matan ben, kosar ben no susar terus oin2 nia folin let hanesan lolos parasitas no sanguessugas duni, maibe sira laiha plano kah hanoin seluk atu halo diak mai ba ita Povo kik no kiak mak laek liu ona…

 

Lere kuandu koalia arbiru la sukat, Lere tenke hatene katak konsekunsias ne’e bo’ot liu ba o Lere rasik no mos ba ho nia kamaradas iha FDTL neba hotu…Tanba sah ami dean nune, tanba ema munafik sira iha FDTL hatene katak ita nebe mai husi Ailaran ne’e mesak beik ten kah dean katak bahasa BUTA HURUF tantanan deit…Nune ita nia opositores sira dean maiba ita nune…”Imi be Funu Nain sira ne’e, imi tenke funu ba ikus mai ami mak ukun imi nafatin, tanba iha kolonialistas portugueses moa ami mak ukun imi, nune mos iha Bapak kah Indonesios nia tempu mos ami mak ukun imi i agora i ukun a’an nia tempu  laran mos ami mak tenke ukun imi hotu no Rai Timor Lorsae hotu, tanba imi mesak ema beik ten tantanan deit i lahia kursu bo’ot ida hanesan ami no tan buat selseluk, etc…etc…etc…

 

Lere kuandu naksalah koalia kona ba Direitus Humanos no Liberdade no Demokrasia, Lere lahatene sukat didiak ninia konsequensias ba fututu maiba Lere nia a’an rasik…É precisu ami fanu alin Lere hodi hatene lolos politika nasional no internasional nune mos kona Prinsipios Basicos nebe ke oin loron Mundo hotu2 i liliu Mundo Civilizadu apregoa ba mundo subdesenvolvidos sira katak se mak la respeita no halo tuir prinsipios basikus Demokrasia no Liberdade nebe lian husi DEKLARASAUN UNIVERSAL DIREITUS HUMANOS NIA NE’E, kuidadu a’an keta hodi matan delek obriga a’an i hatama imi nia a’an rasik ba rai kuak luhan sira nebe mak hein hela dadauk imi ne’e nia loron bahinra imi salah aplika prinsipius nebe ke ita hateten kah alerta ba imi iha kotuk dadauk ne’e alin no kamarada General Lere Anan Timur…

 

Lere keta dukur demais ho fitun rua ne’e katak vale liu ba Prinsipios Liberdade no Demokrasia mak sai husi Deklarasaun Universal Direitos Humanos nia ne’e...

 

Se oin loron Xanana até estimula Lere no Taur nia estatements hirak ne’e so ba atu buka hodi hatun imi husi hierarkia FDTL nia nune nia bele aproveita ninia ema sira nebe ke loyal liu ba ninia ordens hanesan Oficais Rua naran Filomeno Paixão no Daniciano Gomes atu okupa lalais imi nia fatin ba nune sira bele maneja ita nia FDTL ba sira nia interesse rasik do ke ba ita nia Povo kik no kiak Maubere nia...

 

Lere no Taur é preciso hatene didiak katak horas ne’e ita nia destinu ema a’at sira halo jogo ba ninia interesses komersiais nia, du ke sira iha hanoin diak atu serbi ita susar no terus nain Povo Maubere nia oan murak sira mak laek liu ona...

 

Se Xanana seidauk barani halo atuasaun hasoru ita Asuwain Falintil, Veteranus no Asuwain Funu Nain sira, tanba nia sei hesita mak barak i nune nia mos sei hanoin hela se’e nia hakarak sora ita kamaradas no kamaradas fila ba malu i nune mos nia haruka imi mai hodi matan delek ho kroat hasoru ami mak, ita sei mohut hotu iha ita nia Rai doben Timor Lorosae nia laran i ikus mai se mak hamanasan ba ita, liliu sira be tabele hela Xanana nia ikun sira ne’e mak hamnasan no hodi haklalak, baku liman, bidu no dansa tanba sira hodi tur deit, maibe sira bele ho sira nia esperteza tau ita kamaradas no kompaneiros sira mak fila fali kroat ba malu, tanba ema kolonialistas no nekolonialistas nia kaki no tangan sira ne’e sira nia lema mak ne’e duni, mai hodi buka meios atu fahe nafatin ita ba ikus mai sira bele ukun ita ho sira nia gostus satanikus sira ne’e, hatene kah lae , alin sira Lere no Taur, hati2, se lae imi hakfodak hader sai husi imi nia fatin ho imi nia fen sira sei iha pijama nia laran imi hodi nakdedear bele rende deit ba ema a’at sira ne’e norsas sira nebe ke horas ne’e jaga imi metin hela ne’e, alin matan delek sira, imi hatene kah lae? Hanoin didiak mak koalia ba, ba nune ikus mai imi labele arrepende ba imi nia lia fuan sira ne’e...Se imi hatene nafatin ita nia Linha Mestra Politika husi Fretilin nia entaun imi hatene katak ita FALINTIL ASUWAIN ne’e mesak LIMAN KROAT POVO MAUBERE nia, Ita nia nissaun Duplamente Armadu, hodi politika ho liman Los i hodi Kilat iha liman Karuk hodi defende ita nia Povo kik no kiak nia interesse, tanab se ita lahatene politika, entaun ita defende los se nia interesse, iha Mundo ne’e iha deit klasse politika oposta rua, ida mak riku nain no butar ten sira mak horas ne’e dadauk ukun ita nebe hodi hariku no habokur a’an matmatak ita nia riku soi nia folin husi Minarai no Gas nebe has liu iha valor Amerikuano nia dolares besik 15 bilioens karik, klasse dominantes sira hodi nia politika befoer nia sira buka hanean ita nia klasse kik no kiak sira, nune keta salah interpreta imi nia missaun agora ne’e, tanba ema a’at no let mak halo planus hirak ne ba hodi halakun ita nia FORSA POPULAR, ba nune fasil ba sira hodi bele hanean ita nafatin hodi susu ita bokor no rai bokor konforme sira nia hakarak i halo ita sudar ba bebeik i nune ita nia objectivu be ita lori funu ho hasoru ita nia inimigos kolonialistas no nekolonialistas sira ne’e, ita lakun saugati deit alin doben sira...

 

Extra-informasaun husi fontes fidedignas katak horas ne’e dadauk forsas loialistas ba Xanana nia ordem hatama dadauk husi Liquiça Armamento Pesadu no ligeiro hodi logistik ho amunisi nune mos ho granadas ho tipu kah marka oin2 mai hodi sobu ita Povo kik no kiak nia oan sira mak konsentra iha CPD-RDTL nia ma’on okos iha Welaluh halo koperativas mak ne’e i ami la komete krimes ida kontra ami Nasaun RDTL no trai ami nia Povo kik no kiak, sofre no terus nain Maubere iha nia moris no mate fatin Rai doben Timor Lorosae nia laran tomak…

 

Honra i Gloria ba ita nia Asuwain Herois ba Libertasaun Nasional Timor Lorosae nia no ita nia Herois Martires ba ita nia Povo Maubere nia Revolusaun...

 

Nain Maromak no ita nia Saudosos Asuwain matebian sira nia kalmar sei amrik nafatin iha ita nia sorin loron2 nune konserteza ke ita sei manan ita nia opositores politikus sira ho intensaun a’’at nebe ke hakarak buka halakun ita nia dignidade no identidade hanesan Povo no Nasaun iha Mundo ne’e nia klaran...

 

Viva o Povo Heroiku Povo Maubere! Viva Asuwain Falintil! Viva Matadalan Fretilin! Viva Juventude Maubere! Viva Organisasaun Popular Mulhre Timor a OPMT! Viva a Organisasaun Popular Trabalhador Timor a OPTT! Viva Povo Timor Lorosae toma, husi Lorosae to’o Lorotoba! Husi Pulo Jaku liu husi Atauru to’o Oekusse! Husi Tasimane liu husi Raiklaran to’o Tasifeto!

 

A luta kontinua até ke ita liberta tebes duni ita nia Povo kik no kiak Maubere husi formas desenfreadas husi explorasun no opresaun nebe ke ita nia opositores sira hatudu mai hodi matan momos ba ita iha tinan hirak nia laran sira ukun ita nia RDTL no ita Povo kik no kiak Maubere to’o oin loron ne’e...

 

Hakflulak no Haksolok hodi Hakoak bo’ot ba imi mak ami hadomi no respeita hodi neon no laran metin ba malu nafatin to’o mate kah to’o ita liberta ita nia Povo kik no kiak Maubere duni iha ita nia Rai doben Timor Lorosae nia laran tomak!...