Quarta-feira, 5 de Outubro de 2011
“Masa CPD-RDTL Halo Asaun Konaba Akta Ne’ebe PM Xanana Halo Iha Waibobo”
.
Notisia husi TVTL - Iha Tersa Kalan, 04 Outumbru 2011
Masa Konselu Popular CPD-RDTL tersa-feira ne’e hahu konsentra iha parte kuluhun inklui sede CPD-RDTL Balide, masas hirak ne’e mai husi distritu 13 ne’ebe hahu tama iha segunda kalan semana ne’e.
Maske lakohi esplika detaillhu kona ba asaun pasifiku durante loron 3 ne’e maibe Komisariu Politiku Nasional Seitor II Baucau Jose Freitas hateten, asaun pasifiku ne’e nu’udar parte ida ba sira nia lamentasoens kona ba desmobilizasaun ne’ebe foin lalais ne’e hala’o iha Dili hodi fo rekoinesementu ba veteranus 286 iha Palacio do Governu.
“Atividade ne’e iha relevante kona ba e hau bele fo sai parte 3 mak hanesan; 1. Kona ba akta ne’ebe Primeiru Ministru (PM) Xanana Gusmao halo iha Waibobo foin lalais, 2. Kona ba desmobilizasaun Veteranus foin lalais ne’e, 3. Kona ba Seita, katak, relijaun ne’ebe fuik no oras ne’e dadaun tama iha Timor Leste, ami konsidera hanesan sira halo para Timor laiha estabilidade ho dame paz, tamba ida ne’e mak ami halo asaun,” dehan Jose Freitas.
Jose Freitas akresenta katak, maske asaun pasifika ne’e sei hala’o durante loron 3 maibe nia promete katak, asaun ne’e ba interese nasional no asaun ne’e la’o ho susesu sein mosu inestabilidade no krime.
Tuir observasaun Ekipa Radio Maubere nota katak, iha fatin Kuluhun marka perjensa mos koordenador CPD-RDTL Antoni Aitahan Matak no atributu ne’ebe sira uza maka hanesan Bandeira RDTL no Bandeira FRETILIN, lolos de’it sira uza atributu ne’e, iha momentu ne’ebe Primeiru Ministru Xanana Gusmao hasoru malu ho Masa CPD-RDTL iha Waibobo fulan hirak liu ba.
.
1 comentários:
Hader no ambrik maun alin no kamaradas sira hotu iha rai doben Timor Lorosae nia laran tomak, horas to'o ona i ita keta toba demais selae ema a'at sira sei kapa ita mori-moris iha ita nia rai doben Timor Lorosae nia laran tomak.
Hodi ita nia asaun hirak ne'e ita tenke ambrik metin hodi neon no laran oh fiar metin ba ita Nain Maromak no ita nia Saudosos Matebian sira nebe ke oin loron ninia ruhin no kulit sei halerik iha rai doben Timor Lorosae nia laran tomak i ema a'at ukun nain sira haluan atu buka hodi halibur hamutuk ba fatin sagrdau ida atu nune bele fo'o deskansu eterno ba sira nia klamar iha ita Nain Maromak nia mahon okos tuir ita sarani nia kultura no tradisaun.
Hodi ita Nain Maromak no ita nia Asuwain Matebian sira ita sei manan ita nia lawan politika iha ita nia rai doben Timor Lorosae nia laran tomak...
Viva Povo kik no kiak Maubere iha Rai doben Timor Lorosae nia laran tomak!
Viva a Juventude e a OPMT, oan feton no mane husi Povo Maubere nia ran no isin!
Viva oan matenek no matadalan Fretilin Povo Maubere nia, iha rai doben Timor Lorosae nia laran tomak!
Vivam Asuwain Falintil e Veteranos, Povo Maubere nia forsa moral política i militar nebe ke funu hodi liberta ita nia rai doben Timor Lorosae husi ita nia funu maluk ABRI sira nia liman laran iha besik tinan 25 nia laran to'o oin loron ne'e!
Vivam ita nia herois Saudosos libertadores da Pátria Maubere i ita nia martíres da Revolusaun!...